أنا من سوهاج و محتاج مساعدة الخبرات هنا :(

أول مره أشارك فالمنتدى الكريم و محتاج إستشاره بسيطه .. أنا إشتريت سكواد فانتازيا 2010 مستعمله خليجى عدادها 41 ألف كيلو لون باذنجانى .. وبصراحه مكنتش أفهم ف فئات الفانتازيا أوى بس الفئه إللى معايا ناس إستغربت منها أوى لدرجه دايقتنى

هى بدون مثبت سرعه أو مالتى فانكشن و مفيش مسند يد أمامى و الزجاج الخلفى عاده مش كهربائى .. و المرايات مش طى كهرباشى لكنها بتتظبط كهربا طبعا

فيها تكييف خلفى بس موجود تحت الكراسى الأماميه و العربيه ستربترونك و كاسيت cd بس مش موجود فيه بلوتوث أو AUX

هل الفئه دى فعلا طبيعيه ؟؟ مع العلم إنها خليجى و ياترى سعرها ف توقعكم كام ؟؟

مشكورين ياريت تطمنونى

متاااابع

مش عاااااااااااااااااااااااا اااااااارف

هو ده الطبيعى فى الخليجى بالذات
يعنى فيه فئه مثلا زى الاليجانس مقسمه ل3 فئات والتجار بيستغلوا عدم معرفه الناس لها
يعنى يقولك هى كامله لانها فتحه سقف بس الحقيقه هى ناقصه كماليات
يعنى فئه موجوده فتحه سقف فقط
والتانيه فتحه سقف وحساسات خلفيه والكاسيت الصغير
والفئه الثالثه هاى لاين
فيها كل حاجه مرايات ضم وحساسات خلفيه وكاسيت دى فى دى وزينون وكل حاجه موجوده
لاكن اغلب الناس تعرف مثلا ان فتحه السقف تعتبر العربيه هاى لاين كامله
والفئات دى لها اسعار مختلفه خالص عن الكامله
لاكن التجار فى المستعمل بيساوا بينهم لاستغلال جهل الناس بالمعلومات دى

بس بجد ماشفتش 2010 بدون تحكم طاره
هى اى فئه يعنى اسبورت
وحضرتك جبتها بكام

كل فئه منها كاتوجرى 1 و2و3

طيب انا اقول لحضرتك من سنه انا كنت بشترى عربيه سكودا فانتازيا بس ربنا موفقش فجبت فورد فوكاس
انا شفت عربيه حضرتك ده بكل الى انتى بتقولو انما هى كانت 4 ازاز كهربا هى كانت زيرو ب 169,500
و انا واثق من السعر ده لان انا كنت هشتريها و جبت كمان جواب من البنك انما اهو كل واحد و نصيبو

والله يا جماعه أنا محتار و مش فاهم حاجه .. هى خليجى 2010 و إشتريتها ب 132 ألف بس هى ك حاله زيرو مافيهاش حتى غير خرابيش بسيطه لكن ما عدا ذلك زى ماهى بس أنا مستغرب من الأوبشن ده و واحد قالى لتكون العربيه دى فيها مصيبه :( خلانى شكيت ف نفسى

طيب ماشاء الله و ربنا يباركلك فيها و الاوبشن ده انا زى ما بقول لحضرتك شوفتها بعينى المهم ربنا يباركلك فيها
و السعر بردو الحمدلله كويس

اقتباس:

---

المشاركة الأصلية كتبت بواسطة محمد البدرى

والله يا جماعه أنا محتار و مش فاهم حاجه .. هى خليجى 2010 و إشتريتها ب 132 ألف بس هى ك حاله زيرو مافيهاش حتى غير خرابيش بسيطه لكن ما عدا ذلك زى ماهى بس أنا مستغرب من الأوبشن ده و واحد قالى لتكون العربيه دى فيها مصيبه :( خلانى شكيت ف نفسى

---

لاتدع احد يفسد فرحتك بالعربيه يعنى هو لو فيها مصيبه بجد مش كان اللى عملها ظبطها وعملها زى كل العربيات

يا اخى هى فئات والاخ بولفر فى المشاركه السابقه طمنك
مبروك عليك ربنا يعطيك خيرها ويكفيك شرها قول آمـــــــــــــــــــــــ ــــــــــــين

شوف يا اخى الفاضل الفيديو ده موديل اعلى من اللى معاك ولا تحكم طاره ولا مسند يد بالتلاجه ولاحظ الباب الخلفى فى اول الفيديو هتلاقيه يدوى ومش زجاج كهربائى
الفرق الوحيد ان العربيه مانوال ومش تيب ترونيك وموديلها موديل معاك تقريبا
اتفضل الرابط
انا برد عليك هنا وهناك عايزك تطمن بس وتفرح بعربيتك
Skoda Octavia hatchback video | CarBuyer

الله يبارك فيكم يارب :) أنا بجد أخجلتونى من إهتمامكم جزاكم الله كل خير بجد

و طمنتونى خاصة الفيديو ده كمان و ربنا يرزق كل حد هنا بإللى أحسن منها يارب ^_^